Ankarada nəşr olunan“Anadolu” qəzetinin 8 avqust 2022-ci il tarixli nömrəsində Xəzər Universiteti “Dünya” məktəbinin müəllimi Altuntac Balayevanın “2. Türk dili kurultayı’nda Atatürk ile Ahmet Caferoğlu arasındakı fikir ayrılığı hakkında” adlı məqaləsi dərc olunmuşdur. Məqalədə 1934-cü il avqustun 18-24-də İstanbulda keçirilmiş İkinci Türk Dili Qurultayında İstanbul Universitetinin gənc dosenti Ə.Cəfəroğlu məruzə edərkən baş vermiş faktdan - Türkiyə Cümhuriyyətinin Prezidenti Mustafa Kamal Atatürk`ün iclas salonunu tərk etməsi və Əhməd Cəfəroğlunun kürsüdən endirilməsindən bəhs edilir. Buna səbəb Atatürkün yeritdiyi Osmanlı dilinin ərəb-fars sözlərindən təmizlənməsi prosesində yanlışlıqlara yol verildiyini Ə.Cəfəroğlunun bildirməsi olmuşdu.

Məqaləni “Anadolu” qəzetinin 20 ildən artıq müddət ərzində daimi yazarı, görkəmli rejissor, yazıçı, Azərbaycanın Xalq artisti, professor Əflatun Nemətzadə öz köşəsində oxuculara təqdim etmişdir.