Salam, mən Əli Mehdiyev Xəzər Universitetinin Kompüter mühəndisliyi ixtisasının 2-ci kurs tələbəsiyəm. Türkiyənin Manisa Celal Bayar Universitetində keçirdiyim Erasmus+ tələbə mübadiləsi təcrübəmi bölüşməkdən böyük məmnunluq duyuram!
Mənim mübadilə dövrüm 2021-2022-ci tədris ilinin yay semestrinə təsadüf etdi (2022-ci ilin fevralından 2022-ci ilin iyununa qədər). Bu, insanın həyatında əldə edə biləcəyi ən yaxşı təcrübələrdən biri idi, çünki həm təhsil, həm də kampusdakı ab-hava Xəzər Universitetindən fərqlidir və mən həm universitetdə, eləcə də universitetin qonaq evində çoxlu əcnəbi tələbələrlə tanış oldum. Müxtəlif ölkələrdən olan insanlarla görüşmək və onlarla eyni məkanda bir araya gəlməyin bəzi üstünlükləri var idi. Birincisi, mən ingilis dilində səlis danışıq qabiliyyətimi yaxşılaşdırdım, çünki ondan başqa danışa biləcəyimiz ortaq dilimiz yox idi. İkincisi, bu, xarici tələbələrdən yeni millətlər haqqında öyrənmək və ölkəniz haqqında məlumat təqdim etmək üçün əla fürsətdir.
Ən mühüm üstünlük ondan ibarətdir ki, bütün Erasmus tələbələri şəhərdə yeni olduqları üçün onlarla söhbət etmək və şəhərdə vaxt keçirmək daha asandır. Manisaya gəldikdə isə, onun təbiəti çox möhtəşəmdir, hər yerdən dağların zirvəsini görmək olur. İnsanlar da çox mehriban və qonaqpərvərdirlər, xüsusən də Azərbaycandan olduğunuzu biləndə. Tələbə kartınızı aldığınız zaman nəqliyyat ucuz başa gəlir və onun istifadəsini asanlaşdıran qrafiki var.
Manisadan bir az aralıda avtobusla gedə biləcəyiniz böyük tarixi yerlər var. Bunlardan biri də Manisadan təxminən 30-40 dəqiqəlik məsafədə yerləşən və çox böyük olan İzmirdir. İzmiri ziyarət etmək istəyirsinizsə, həm qatar, həm də avtobusdan istifadə edə bilərsiniz. İzmirin “Efes”, “Teleferik” və s. kimi ziyarət üçün gözəl yerləri var.
Son olaraq qeyd edim ki, xərclərdən narahat olmaq lazım deyil, çünki Erasmus+ Proqramı bütün mübadilə dövründə bəs edəcək təqaüd verir. Manisaya gəldikdən bir həftə sonra təqaüdümün 80%-ni və ordan qayıtmazdan bir həftə əvvəl 20%-ni aldım. Hər kəsə həyatında ən azı bir dəfə bu mübadiləni yaşamağı çox tövsiyə edirəm, bu, onların fikrini dəyişəcək.