Xəzər Universiteti Psixologiya departamentinin koordinatoru Mələk Kərimova 2022-ci il iyulun 15-19-da Ədliyyə Akademiyası tərəfindən təşkil edilən "Əmək Mediasiyası" təlimində iştirak etmiş və sonda müvəffəqiyyətlə imtahan vermişdir.

Təlimdə mediasiyanın əmək mübahisələrində necə tətbiq ediləcəyi nəzəri cəhətdən tədris olunmuş və praktiki çalışmalarla nümayiş etdirilmişdir.

Qeyd edək ki, Mələk Kərimova Azərbaycan Respublikası Mediasiya Şurasının üzvü təyin olunmuşdur.

Azərbaycanda yeni tətbiq edilən mediasiya prosesinə Xəzər Universitetində Erasmus+ MEDİATS layihəsi çərçivəsində yaradılmış Mediasiya ixtisası üzrə MBA proqramının da böyük töhfə verəcəyi gözlənilir.