2022-ci il iyulun 14-də Xəzər Universitinin tərəfdaş universitetlərindən biri olan Termez Dövlət Universiteti ilə onlayn görüş keçirilmişdir.

Görüşdə Xəzər Universitetindən Beynəlxalq əlaqələr üzrə prorektor Vlad Vernygora, İngilis dili və ədəbiyyatı departamentinin koordinatoru Milana Abbasova, Neft mühəndisliyi departamentinin müdiri Elşən Abdullayev, Kimya mühəndisliyi departamentinin müdiri Rasoul Moradi, Mexanika mühəndisliyi departamentinin koordinatoru Mehdi Kiyasatfar və Beynəlxalq əlaqələr ofisinin koordinatoru Fatimə Vəliyeva, Termez Dövlət Universitetindən isə Beynəlxalq əlaqələr üzrə prorektor Möhruh Müzəffərovna, Beynəlxalq əlaqələr şöbəsinin rəhbəri Ümidjon Eşmuratov, Kimya fakültəsinin dekanı Turayev Hayit, fəlsəfə doktoru Kasimov Şerzod və Qeyri-üzvi analitik kimya kafedrasının dosenti, fəlsəfə doktoru Eşmuratov Xurşid iştirak etmişdir.

Görüşdə universitetlərarası əlaqələrin genişləndirilməsi, işçi heyəti və tələbələrin mübadiləsi və bir sıra digər vacib məsələlər müzakirə olunmuşdur. Hər iki universitet görüşdə universitetin daha yaxından tanıdılması məqsədilə təqdimat keçirmişdir.

Qeyd edək ki, Termez Dövlət Universiteti Özbəkistanın Termez şəhərində yerləşir və ölkənin ən böyük universitetlərindən biridir.