2022-ci il iyulun 1-də Xəzər Universiteti Psixologiya departamentinin təşkilatçılığı ilə universitetdə departamentin müəllimi psixoloq Ramin Allahverdiyev tərəfindən “Narkotik Vasitələrin Sui-istifadəsi və Qanunsuz Dövriyyəsi ilə Beynəlxalq Mübarizə Günü”nə həsr edilmiş “Mən öz gələcəyimi seçirəm” mövzusunda tədbir təşkil edildi.
Tədbirdə müəllim və tələbə heyəti iştirak etdi. Qeyd olundu ki, son illərdə ölkənin bəzi gənçlərinin bu asılılıqdan xilas olması üçün psixo-pedaqoji maariflənmələr böyük əhəmiyyət kəsb edir. Belə ki, həssas mərhələlərdən biri olan gənçlik dönəmində bəzən gənçlərin maddə asılılığına olan maraqlarının çox acınacaqlı nəticələri ola bilir. Bu sahədə ölkəmizdə aparılan işlər və müalicə mərkəzləri və metodları barədə psixoloq Ramin Allahverdiyev ətraflı məlumat verərək, maddə asılılığı qurbanına çevrilmədən ailələrdə nələr edilə biləcəyi üzərində dayanaraq, iştirakçıların suallarını cavablandırdı.