Xəzər Universiteti İqtisadiyyat və Biznes Yüksək Təhsil fakültəsi MİT-nin “Data, İqtisadiyyat və İnkişaf Siyasəti” MikroMaster proqramına tələbə seçimi çərçivəsində 2022-ci il iyulun 2-də universitetdə ingilis dilindən test imtahanı keçirdi. İmtahanda müraciətçilər arasından seçilmiş 110-dan çox tələbə iştirak etdi. İmtahanın yüksək səviyədə təşkilinə İngilis dili və ədəbiyyatı departamenti və İctimai əlaqələr və media üzrə direktorluq yaxından dəstək göstərmişlər.
Növbəti test imtahanı iyulun 9-da riyaziyyat fənnindən keçiriləcək.
Hər iki imtahanın və sonda keçiriləcək müsahibənin nəticəsindən asılı olaraq, 20 tələbə MİT MikroMaster proqramında iştirak etmək hüququ qazanacaq.
Oktyabr ayında onlayn şəkildə başlanacaq proqramdan öncə tələbələr Xəzər Universitetində riyaziyyat və statistika fənlərindən 6 həftə ərzində hazırlıq dərsləri alacaqlar.