2022-ci il iyulun 1-də Xəzər Universitetinin Beynəlxalq Əlaqələr Ofisi tərəfindən Türkiyənin Manisa Celal Bayar Universitetində təhsil alan bakalavr tələbəsi İrem Öztürk ilə tanışlıq görüşü keçirildi. O, 2 ay müddətində Erasmus+ Tələbə Mübadiləsi proqramı çərçivəsində Xəzər Universitetinin Humanitar, təhsil və sosial elmlər fakültəsində, İnkişaf Mərkəzi və Beynəlxalq Əlaqələr ofislərində təcrübə keçəcək.

Təbiət elmləri və mühəndislik fakültəsi, İqtisadiyyat və menecment fakültəsi, Humanitar, təhsil və sosial elmlər fakültəsi və İnkişaf Mərkəzi əməkdaşlarının iştirak etdiyi görüşdə İrem Öztürk özünü təqdim etdi, təhsili barədə məlumat verdi.

Qeyd edək ki, Türkiyənin Manisa şəhərində yerləşən Manisa Celal Bayar Universiteti Ege bölgəsinin ən böyük 3 universitetindən biridir.