Professor, akademik Hamlet İsaxanlının “Mənim Qarabağım və ya Qarabağ düyünü” kitabı Xəzər Universitetinin Nəşriyyatında çapdan çıxmışdır.

Kitab Azərbaycan və erməni xalqları, Azərbaycan və Ermənistan arasındakı münasibətlər tarixi, xüsusilə son dövrdə baş verənlər,müəllifin öz müşahidələri, başına gələnlər, Azərbaycan və erməni xalqlarının həyatı və qayğıları barədə Azərbaycan və erməni ədəbiyyatı və mətbuatında yazılanlar, indiki vəziyyətdə nə etməli, gələcəyimiz necə ola bilər suallarına cavab axtarışı kimi məsələlərə həsr olunub.

Kitab “Giriş” də daxil olmaqla 40 bölmədən ibarətdir. Geniş ədəbiyyat siyahısı, şəxs və yer adlarının indeksi verilmişdir.

Qeyd edək ki, kitab Azərbaycan dilində ilk dəfə “Xəzər Xəbər” jurnalının 2021-ci il yanvar-iyun nömrələrində dərc olunub. Sonra Khazar Journal of Humanities and Sosial Sciencess (“Xəzər Humanitar və Sosial Elmlər Jurnalı”) jurnalının xüsusi buraxlılşı kimi (Cild 24, № 4) ingilis dilində çap edilmiş, digər xarici dillərdə də çapı nəzərdə tutulur.