Xəzər Universitetinin tələbələrindən ibarət iki komanda British Council-ın Ali Təhsil Müəssisələri ilə iş proqramının bir hissəsi olan Creative Spark Big Idea Challenge - 2022-nin finalçıları arasındadır.

Birinci komanda MOOD-dur və siz onlara bu link vasitəsilə səs verə bilərsiniz.

Komanda üzvləri:

1. İbrahim Qulmalıyev, İqtisadiyyat və Menecment fakültəsi, Biznesin idarə edilməsi ixtisası
2. Namiq Əlizadə, İqtisadiyyat və Menecment fakültəsi, Biznesin idarə edilməsi ixtisası
3. Nuray Əliyeva, İqtisadiyyat və Menecment fakültəsi, Biznesin idarə edilməsi ixtisası

İkinci komanda Destekchi-dir və onlara bu link vasitəsilə səs verə bilərsiniz.

Komanda üzvləri:

1. Etibar Xıdırov, İqtisadiyyat və Menecment fakültəsi, Turizm və Otelçilik ixtisası
2. Türkan Mürsəlova, Humanitar, Təhsil və İctimai Elmlər Məktəbi Azərbaycan dili və Ədəbiyyatı

Komandalar verilmiş linklər vasitəsilə ən çox səs toplayaraq, ölkə birinciliyi uğrunda mübarizə aparacaqlar.

Tələbə komandaları üçün digər bir imkan Xalqın Seçimi yarışmasının qalibi olmaqdır. Hazırda açıq olan və 10 iyul 2022-ci il tarixinə qədər davam edən bu seçimə eyni linkdən səs vermək olar. Bu müddət ərzində hər bir ölkədə ən çox ictimai səs toplayan ideya Xalq Seçimi qalibi seçiləcək. Ölkə qalibləri ideyalarını reallığa çevirmək üçün mükafatlar və biznes mentorluğu qazanacaqlar.

Bu müsabiqədə iştirak yalnız Creative Spark layihəsinin qalibi olan universitetlərin tələbələri üçün mümkündür. 2019, 2020 və 2021-ci illərdə Xəzər Universiteti Böyük Britaniyanın Middlesex Universiteti ilə əməkdaşlıq çərçivəsində Creative Spark layihəsinin qalibi olub. Bu, Xəzər Universitetinin tələbələrinə əvvəlcə universitet daxilində, sonra ölkə səviyyəsində, daha sonra isə beynəlxalq səviyyədə yarışdıqları bu beynəlxalq müsabiqənin iştirakçısı olmağa imkan verdi. 2020-ci ildə iki tələbə qrupumuz kateqoriya qalibi olub. 2021-ci ildə isə tələbəmiz Təravət Əsgərzadə “Her guide” ideyası ilə ölkə qalibi olub.

Xahiş edirik, tələbələrimizə Big Idea Challenge çempionu olmaq üçün dəstək olun!