2022-ci il iyunun 25-də Xəzər Universitetinin müəllimi və doktorantı Nilufər Əlizadə Azərbaycanda ikinci dəfə keçirilən “QadınFest” festivalında psixoloq kimi “Uşaqlıq təcrübələrimizin bugünkü seçimlərimizə təsiri” mövzusu ilə çıxış edərək, auditoriyanın suallarını cavablandırmışdır.

Always, Oral-B, Pantene, Aktivia, Berqa kimi brendlərin dəstəyi ilə “Park Bulvar” ticarət mərkəzində hər kəsə açıq şəkildə həyata keçirilən festival həm də online şəkildə instagram və digər sosial platformalarda yayımlanmışdır. Festivalın məqsədi müxtəlif sahələrin ekspertlərinin iştirakı ilə qadınların inkişafına və dünyagörüşünə dəstək olmaq idi.