2022-ci il iyunun 23-də Canon şirkətinin Azərbaycandakı nümayəndəliyi Xəzər Universiteti ilə əməkdaşlıq çərçivəsində növbəti təqdimatını keçirmişdir. Təqdimat Zabitlər parkında praktik formatda baş tutmuşdur.
Tələbələr öncəki təqdimatlarda yiyələndikləri nəzəri bilikləri təbiət çəkilişlərində tətbiq etmişlər. Tədbirdə Xəzər Universitetinin Multimedia Mərkəzinin direktoru Natella Barkaya, Canon şirkətinin biznesin inkişafı üzrə meneceri Valeh Məhərrəmov, menecer köməkçisi Mehbarə Hüseynova, fotoqraflar, Xəzər Universitetinin tələbələri iştirak etmişlər.