2022-ci il iyunun 16-da Xəzər Universiteti ISBN Agentliyinin əməkdaşları – universitetin nəşriyyatının rəhbəri Zakir Yusifoğlu və ISBN koordinatoru Səbinə Əlimərdanova ölkənin aparıcı nəşriyyat evlərindən biri olan Şərq-Qərb nəşriyyatında olublar.

“Şərq-Qərb” Açıq Səhmdar Cəmiyyəti (ASC) 1986-cı ildən etibarən dövlət müəssisəsi olaraq 4 nömrəli Bakı Kitab Mətbəəsi kimi fəaliyyətə başlamışdır. 2001-ci ildə müəssisənin təşkilati-hüquqi forması dəyişdirilmiş və o, “Şərq-Qərb” Açıq Səhmdar Cəmiyyətinə çevrilmişdir. “Şərq-Qərb” ASC Nəşriyyatı Azərbaycanda nəşriyyat sahəsində öz imzası olan, gördüyü işin keyfiyyətinə zəmanət verən ən qabaqcıl nəşriyyatlardan biridir.

Görüşdə İSBN-in fəaliyyəti ilə bağlı məlumatlandırıcı xarakterli informasiya çatdırılaraq, bəzi məsələlərə aydınlıq gətirilib və suallar cavablandırılaraq, gələcək əməkdaşlıqla bağlı təklif və tövsiyələr dinlənilib.