Xəzər Universititetinin Psixologiya departamentinin müəllimi və doktorantı Nilufər Əlizadə 2022-ci il mayın 26-29-da ABŞ-ın Çikaqo ştatında baş tutan beynəlxalq psixologiya konfransına qatılaraq, çıxış etmişdir.
Psixologiya Elm Assosiasiyası (APS – Assosiation for psychological Science) tərəfindən hər il təşkil olunan konfransda dünyanın nüfüzlu universitetlərindən olan tədqiqatçılar psixologiya sahəsində həyata keçirdikləri elmi araşdırma işlərini və elmi yenilikləri təqdim etdilər.
Konfransın ilk günü rəsmi açılış mərasimi APS-ın prezidenti, Stanford Universitetinin professoru psixoloq Jennifer L. Eberhardt`ın giriş nitqi ilə başladıqdan sonra əsas məruzəçilərdən biri olan “Just Mercy” bestseller kitabının müəllifi Bryan Stevenson`un “İnsanlıq və ədalət” adlı çıxışı ilə davam etdi. Konfransın idarə heyətinin üzvi və eləcə də əsas məruzçilərdən biri olan Kembric Universitetinin Psixologiya departamentinin sabiq rəhbəri professor Trevor W. Robbins neyropsixologiya sahəsində ən son yeniliklər və tətqiqat işlərinin nəticələri haqqında məlumat verdi. Sonra konfrans kliniki, sosial və digər psixologiya sahələrinə aid panel çıxışlar və əsas məruzəçilərin çıxışları ilə davam etdi. Klinik psixoloq Nilufər Əlizadə konfransda “The Chronic fatigue syndrome among İnternational Students” adlı məqalə ilə çıxış edərək, əldə olunan tədqiqat nəticəsinin tətbiqindən, yəni tələbələrin akademik performanslarında yalnız universitetlərin beynəlxalq departamentlərinin deyil, eləcə də akademik heyətin önəmli rolu olduğunu qeyd etmişdir. Məruzə maraqla qarşılandığı kimi mövzu ilə bağlı digər araşdırmaların aparılması üçün yeni əlaqələr qurulmuşdur.