2022-ci il mayın 23-27-də British Council tərəfindən maliyyələşdirilən Creative Spark Ali Təhsil Müəssisəsi Proqramı çərçivəsində Humanitar, təhsil və sosial elmlər faküıtəsinin dekanı Elza Səmədova, Keyfiyyətin Təminatı Mərkəzinin rəhbəri Lyudmila Sotova və İnkişaf Mərkəzinin Direktoru Raziyə İsayeva Böyük Britaniyanın Middlesex Universitetində olublar.

Səfər zamanı Xəzər Universitetinin əməkdaşları texnologiya transferi, innovasiya ekosistemi və innovasiyaların idarə edilməsi ilə bağlı səmərəli müzakirələr aparıblar.

Onlar, həmçinin, ERASMUS+ INTERBA - Tədqiqat Yolu ilə Müəssisə və Davamlı Rifahın Dəstəklənməsi layihəsi çərçivəsində müxtəlif universitetlərin nümayəndələri ilə əməkdaşlıq əlaqələri qurmaq imkanı əldə etdilər.

Layihə komandası 2022-ci il iyunun 13-14-də Bakıda keşiriləcək Creative Spark Konfransı ilə bağlı məsələləri planlaşdırmaq və müzakirə etmək üçün bir araya gəldi. İşçi heyətin nümayəndələri, həmçinin, bacarıqların artırılması və inkişafı, yaradıcılıq və sahibkarlıq təfəkkürü və sahibkarlıq fənlərinin müxtəlif fənlər kurikulumuna daxil edilməsi kimi bir sıra təlimlərdə iştirak ediblər.

Xəzər Universitetinin nümayəndələri universitetdə Elm və texnologiya fakültəsinin laboratoriyaları, Kitabxana və UniHelp xidmətləri, universitetin idman obyektləri ilə də tanış olublar.