2022-ci il mayın 31-də Xəzər Universitetinin İdarəetmə və tələbə işləri üzrə prorektoru İsaxan İsaxanlı və “Dünya” məktəbinin direktoru Nazpəri Bayramova Azərbaycan Respublikasının Kiçik və Orta Biznesin İnkişafı Agentliyi yanında İctimai Şuranın təşkilatçılığı, Azərbaycan Respublikasının Təhsil Nazirliyinin və Kiçik və Orta Biznesin İnkişafı Agentliyinin dəstəyi, Azərbaycan Özəl Təhsil Müəssisələri Assosiasiyasının tərəfdaşlığı ilə Fairmont Baku otelində təşkil olunan “Təhsildə özəl biznesin rolu” mövzusunda ictimai müzakirədə iştirak etmişlər.
Tədbirdə müvafiq dövlət qurumlarının, eləcə də sahə üzrə peşəkar təhsil nümayəndələrinin iştirakı ilə Azərbaycanda özəl təhsilin inkişafı, mövcud vəziyyət və perspektivlərə dair aktual məsələlər müzakirə edilmiş və fikir mübadiləsi aparılmiş, həmçinin Azərbaycan Özəl Təhsil Müəssisələri Assosiasiyasının təsis edilməsi ilə bağlı təqdimat mərasimi keçirilmişdir.