2022-ci il mayın 30-da professor, akademik Hamlet İsaxanlı Gürcüstan Respublikasının paytaxtı Tbilisi şəhərində Gürcüstan Milli Elmlər Akademiyasının prezidenti professor Giorgi Kvesitadze`nin 80 illik yubiley tədbirində iştirak etmişdir.

Gürcüstan Milli Elmlər Akademiyasının həqiqi xarici üzvü olan professor H. İsaxanlı tədbirdə çıxış edərək, professor Kvesitadze`nin elmi yaradıcılığına nəzər salmış və Xəzər Universiteti ilə əlaqələrinə toxunmuşdur.

H.İsaxanlı professor Kvesitadze`yə Xəzər Universiteti tərəfindən hazırlanmış təbrik plaketi və Şirvan xalçasını təqdim etmişdir. Tədbirdə və tədbir sonrası toplantıda Gürcüstan Milli Elmlər Akademiyasının prezidenti Giorgi Kvesitadze, vitse-prezidenti Roin Metreveli və akademik katibi Ramor Xurodze Hamlet İsaxanlı və onun yaratdığı Xəzər Universiteti barədə danışıb, xoş arzularını bildirmişər.