2022-ci il mayın 23-dən 27-dək Xəzər Universitetinin İnkişaf Mərkəzinin layihə meneceri Səbinə Quluyeva, İdarəetmə və tələbə işləri üzrə prorektorun assistenti Afeliya Qocayeva və Beynəlxalq Əlaqələr Ofisinin koordinatoru Fatimə Vəliyeva ADA Universitetində keçirilən vörkşopda iştirak etdilər.
Vörkşop “British Council” təşkilatı, Kent Universiteti, ADA Universiteti və Avropa İttifaqı Məsələləri üzrə Bilik Mərkəzinin tərəfdaşlığı ilə “Creative Spark” layihəsi çərçivəsində keçirilirdi. Təlimdə digər yerli universitetlərin əməkdaşları da iştirak edirdilər.
Təlimləri ADA universitetinin prorektoru Fariz İsmayılzadə, Avropa İttifaqı Məsələləri üzrə Bilik Mərkəzinin direktoru Nərgiz İsmayılova və eksperti İnarə Yaqubova “Erasmus+” proqramının Azərbaycandakı ofisinin rəhbəri Pərviz Bağırov və ASPIRE layihə rəhbəri Rebekka Smit (Kent Universiteti) aparırdı.
Vörkşoplar “Layihələrin yazılması”, “Donorlarla iş”, “Büdcə və layihə hesabatlılığı” mövzularına həsr olunmuşdu.
Vörkşopun sonunda iştirakçılara sertifikat verildi.