2022-ci il mayın 20-də Təhsil departamenti və Təlim-Tədris Mərkəzinin birgə təşkilatçılığı ilə “Expert Talks” tədbirlər seriyasının növbəti görüşü keçirildi. Bu dəfəki görüşün qonağı İrlandiyanın Dublin Universitetinin (Universioty College Dublin) professoru Conor Galvin oldu. Tədqiqat metodologiyasının düzgün qurulması və elmi tədqiqat üsullarının düzgün seçilməsi haqqında çıxış edən professor Galvin görüşün sonunda iştirakçıların suallarını cavablandırdı və elmi tədqiqatın düzgün təşkili haqqında öz məsləhətlərini və tövsiyələrini verdi.

Professor Galvin hal-hazırda Dublin Universitetinin təhsil fakültəsində mühazirəçi və doktorantura proqramının koordinatoru vəzifəsində çalışır. O, eyni zamanda Avropa Birliyinin təhsil siyasəti üzrə məsləhətçilərindən biridir.

Qyed edək ki, Teams platforması üzərində online şəkildə təşkil olunan görüşdə Azərbaycanla yanaşı Türkiyə, Qazaxstan, Əfqanıstan və İrlandiyadan olmaqla 60-dan çox dinləyici iştirak edib.