2022-ci il mayın 17-də Xəzər Universitetinin Mərkəz kampusunda (Bəşir Səfəroğlu küçəsi, 122) “Qafqaz xalqlarının tarixi” fənninə qonaq mütəxəssis qismində AMEA Milli Azərbaycan Tarixi Muzeyinin Vətən Müharibəsi Fondunun müdiri Şəfa Mövsümov dəvət olunmuşdu.

Mütəxəssis tələbələrə “Böyük Vətən müharibəsi və 44 Günlük Vətən müharibəsi” mövzusunda mühazirə oxudu. Mövzular üzrə paralellər aparıldı, geniş müzakirə və diskussiya şəraitində keçən dərs tələbələrin marağına səbəb oldu. Şəfa Mövsümovun müzey materialları əsasında müharibə haqqında tələbələrə izahı fənn üzrə tədrisin əyaniliyi baxımından əhəmiyyətli idi.