2022-ci il mayın 18-də Xəzər Universiteti İnkişaf Mərkəzinin təşkilatçılığı ilə "Alumni Talk" adlı seminarlar silsiləsindən növbəti interaktiv görüş keçirildi. Seminarın qonağı Xəzər Universiteti İqtisadiyyat və menecment fakültəsinin məzunu Ceyran Əfəndi idi. Qeyd edək ki, o, Birləşmiş Ərəb Əmirliklərində yerləşən “AJ Group”un yaradıcısıdır.

Universitetin tələbə və əməkdaşlarının iştirakı ilə keçirilən seminar İnkişaf Mərkəzinin rəhbəri Raziyə İsayevanın iştirakçıları salamlaması və Ceyran Əfəndini təqdim etməsi ilə başladı. Sonra Ceyran Əfəndi öz çıxışına başladı. O,tələbələrə biznes qurarkən başlanğıcdan nələrə diqqət yetirmək, vəziyyət və riskləri necə idarə etmək haqqında öz həyat təcrübələrinə əsaslanan dəyərli tövsiyələr verdi. Xəzər Universitetində təhsili zamanı qazandığı bilik və təcrübədən, başına gələn maraqlı hadisələrdən, iş həyatında olan uğurlarından və səbəblərindən danışdı. Yüksək motivasiya verici və ruhlandırıcı çıxışın ardından sual-cavab sessiyası keçirildi.

Tədbir Xəzər Universitetinin İnkişaf Mərkəzinin rəhbəri Raziyə İsayevanın Ceyran Əfəndiyə və iştirakçılara təşəkkürü ilə yekunlaşdı.