2022-ci il mayın 17-də Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı Azərbaycanda rəsmi səfərdə olan İran İslam Respublikasının Mədəniyyət Nazirinin müavini Abuzər İbrahimi Türkmam`ı qəbul etdi. A.İ.Türkmam H.İsaxanlını səmimi salamlayaraq, Azərbaycana səfəri haqqında danışdı. O, Xəzər Universitetini ziyarət etməsindən məmnunluğunu dilə gətirərək, səmim qəbul üçün H. İsaxanlıya təşəkkür etdi və ona Firdovsinin əsərlərini təqdim etdi.

H.İsaxanlı da maraqlı görüş və ədəbi fikir mübadiləsinə görə iranlı qonağa təşəkkürünü bildirdi və ona öz kitablarından bir neçəsini hədiyyə verdi.

Görüşdə İran İslam respublikasının Bakıdakı Mədəniyyət Mərkəzinin rəhbəri Ali Purmərcan və Xəzər Universitetinin İctimai əlaqələr və media üzrə direktoru Əlövsət Əmirbəyli iştirak etdi.