2022-ci il mayın 12-də Azərbaycan Yaradıcılıq Fondunda “Xəzər Xəbər” jurnalının baş redaktor müavini, əməkdar jurnalist Əlirza Balayevlə görüş keçirildi.

Görüşü fondun sədr müavini, əməkdar mədəniyyət işçisi Rafiq Kaşanlı açaraq, görüşə gəlmiş tanınmış ziyalıları salamladı və Ə.Balayevi iştirakçılara təqdim etdi.

Ə.Balayev çıxışında yarım əsrlik jurnalistlik fəaliyyətinə nəzər salaraq, dəyişən dövrlərdə medianın xüsusiyyətlərindən və hazırkı böhranlı vəziyyətindən bəhs etdi. Çıxış edənlər – BDU İslam Araşdırmaları Mərkəzinin direktoru, fəlsəfə elmləri doktoru, professor Əsədulla Qurbanov, televiziya və kino rejissoru, Əməkdar incəsənət xadimi, Azərbaycan Kinematoqrafiya İttifaqı İdarə Heyətinin üzvü professor Oqtay Babazadə, sənətşünas,Üzeyir Hacıbəyli adına Azərbaycan Musiqi Akademiyasının professoru, Əməkdar incəsənət xadimi Zenfira Qafarova, aktyor Nazir Rüstəmov və digərləri müasir media ilə əlaqədar fikirlərini bölüşdülər, Azərbaycan dilinin işlənməsi ilə əlaqədar qüsurlara toxundular.

Sonda Ə.Balayev humanitar yönümlü ən müxtəlif sualları cavablandırdı.