2022-ci il mayın 8-də DTX Mədəniyyət Mərkəzində Dövlət Gömrük Komitəsi Akademiyası Tələbə Gənclər Təşkilatı (TGT) nəzdində fəaliyyət göstərən “Dil-İnkişaf” klubu, Azərbaycan Dillər Universiteti Tələbə Gənclər Təşkilatı nəzdində fəaliyyət göstərən “Conversation Club” Se-Nur Psixologiya və İnkişaf mərkəzinin əməkdaşlığı ilə ingilis dilində “BrainBert” adlı intellektual yarış keçirmişlər.

Yarışda ölkə universitetlərindən 16 komanda iştirak etmişdir. Xəzər Universitetini təmsil edən “Glory” komandası yarışda 1-ci yeri tutmuşdur. Komandanın üzvləri: Fariz Pirmətov, Tamerlan Abdullayev (Təbiət elmləri və mühəndislik fakültəsi, 4-cü kurs, kompüter mühəndisliyi), İsmayıl Adıgözəlov (Humanitar, təhsil və sosial elmlər fakültəsi, 2-ci kurs, regionşünaslıq), Tuqay Abdullazadə (Təbiət elmləri və mühəndislik fakültəsi, 4-cü kurs, kompüter elmləri) və Bəhruz Şabılı (Təbiət elmləri və mühəndislik fakültəsi, 2-ci kurs magistratura tələbəsi, kompüter elmləri).

Qaliblərə diplom və hədiyyələr təqdim olunub.