2022-ci il mayın 10-da Almaniyanın Vechta universitetinin müəllimi Magnus Frampton Xəzər Universitetinin tələbələri üçün mühazirə oxuyub. Təhsil departamentinin qonaq mühazirəçisi kimi çıxış edən Magnus Frampton`un “Sülh Təhsili və Sosial İş” (Peace Education and Socila Work) adlı mühazirəsi departamentin ikinci kurs tələbələri üçün təşkil olunmuşdu. Hibrid formada davam edən mühazirə Avropada sosial iş, sülh təhsili və bu sahələrin ortaq cəhətləri kimi məsələləri əhatə edib. Xüsusilə bu sahələrin Almaniyada necə təşkil olunduğundan bəhs edən Magnus Frampton mühazirənin sonunda tələbələrin suallarını cavablandırıb.
Qeyd edək ki, hazırda Almaniyanın Vechta Universitetində müəllim kimi fəaliyyət göstərən Magnus Frampton sosial iş sahəsində iyirmi ildən çox təcrübəyə malikdir və Almaniya da daxil olmaqla Britaniya, Norveç və digər ölkələrdə də fəaliyyət göstərib. Frampton hazırda Vechta Universitetində Təhsil sosiologiyası, Beynəlxalq sosial iş və Almaniyada sosial iş dərslərini tədris edir.