2022-ci il mayın 4-də Xəzər Universitetinin rektoru dosent İradə Xəlilova aprelin 25-29-da Erasmus+ İşçi Heyətinin Mübadilə Proqramı çərçivəsində Türkiyənin Manisa Celal Bayar Universitetində (MCBU) olmuş Siyasi elmlər və fəlsəfə departamentinin müdiri Fərid Quliyev, Humanitar, təhsil və sosial elmlər fakültəsinin koordinatoru Tərlan Orucova və Beynəlxalq əlaqələr ofisinin koordinatoru Fatimə Vəliyevanı qəbul etdi. Onlar səfər haqqında rektoru məlumatlandıraraq, MSBU-da rəhbərlik və əməkdaşlar tərəfindən universitetlə tanışlıq və müxtəlif görüşlər keçirməkdən ötrü əlverişli şərait yaradıldığını bildirdilər.

Sonra Fərid Quliyev Manisa Celal Bayar Universitetinin rektoru Prof. Dr.Ahmet Ataç tərəfindən göndərilən hədiyyəni rektora təqdim etdi. İradə Xəlilova “Xəzər”in işçi heyətinin işgüzar qonaqpərvərliklə qarşılandığına və hədiyyəyə görə təşəkkürünü bildirdi.