2022-ci il mayın 10-da Xəzər Universiteti İnkişaf Mərkəzinin təşkilatçılığı ilə "Alumni Talk" adlı silsilə seminarlardan növbətisi keçirildi. Seminarın qonaq natiqi “Xəzər”də hüquq sahəsi üzrə təhsil almış, hazırda Dövlət Məşğulluq Agentliyi İdarə Heyətinin sədri olan Mustafa Abbasbəyli idi.

Universitetin əməkdaş və tələbələrinin iştirakı ilə keçirilən seminarı İnkişaf Mərkəzinin rəhbəri Raziyə İsayeva açaraq, Mustafa Abbasbəylini təqdim etdi. Mustafa Abbasbəyli çıxışında öz həyat yolundan, Xəzər Universitetində təhsili zamanı qazandığı bilik və təcrübədən, başına gələn maraqlı hadisələrdən, iş həyatında olan uğurlarından və səbəblərindən danışdı.

Sonra Mustafa Abbasbəyli sualları cavablandırdı və tələbələrə öz tövsiyələrini verdi.

Tədbir Xəzər Universitetinin rektoru İradə Xəlilovanın Mustafa Abbasbəyliyə və iştirakçılara təşəkkürü ilə yekunlaşdı.