2022-ci il mayın 10-11-də Azərbaycan Respublikası Mərkəzi Bankının İstehlakçılarla iş departamenti Maliyyə savadlılığı şöbəsinin əməkdaşları Vüsal Həsənov və Aytən Hacıyeva Xəzər Universitetinin Neftçilər kampusunda müəllim və tələbələrlə görüşdülər. İctimai Əlaqələr və media üzrə direktor Əlövsət Əmirbəyli onları salondakılara təqdim etdi. V.Həsənov Mərkəzi Bank və maliyyə savadlılığı ilə bağlı respublikanın digər universitetlərində aparılan maarifləndirmə işlərindən danışdı və Xəzər Universitetində yaradılmış şəraitə görə rəhbərliyə təşəkkürünü bildirdi.
Azərbaycan Bank Tədris Mərkəzinin ekspertləri Rauf Ağayev maliyyə savadlılığı, Pərviz Quliyev Azərbaycanda sığorta sistemi və onun tətbiqi haqqında geniş mılumat verdilər və çoxsaylı sualları cavablandırdılar.
Sonda Ə.Əmirbəyli universitet rəhbərliyi adından Mərkəzi bankın əməkdaşlarına və Azərbaycan Bank Tədris Mərkəzinin ekspertlərinə təşəkkür bildirdi. Tədbirdən televiziya çəkilişi aparıldı.
Mayın 12-də Mərkəzi Bankın əməkdaşları və ekspertləri universitetin Mərkəz kampusunda da (Bəşir Səfəroğlu küçəsi) eyni məzmunda görüş keçirdilər.