2022-ci il mayın 6-da Xəzər Universitetinin Coğrafiya və ətraf mühit departamentinin təşkilatçılığı ilə Sağlamlıq və Çirklənmə üzrə Global Alyansın (Global alliance on Health and Pollution-GAHP) Sağlamlıq və Çirklənmə üzrə Fəaliyyət Planının (The Health and Pollution Action Plan) müzakirəsi keçirilmişdir.

Müzakirələrdə Azərbaycanın müxtəlif dövlət təşkilatları, o cümlədən nazirlik və dövlət agentlikləırinin, habelə qeyri-hökumət təşkilatlarının nümayəndələri iştirak etmişlər.

Xəzər Universitetinin rektoru İradə Xəlilova tədbir iştirakçılarını salamlayaraq, uğurlu iş arzulamışdır.

Tədbirdə Azərbaycanın əsas çirklənmə problemləri müzakirə olunmuş və bu problemlərin həll yolları axtarılmışdır. GAHP nümayəndəsi çıxış edərək, təklif olunan təmizləmə layihələri haqqında məlumat vermişdir.

İştirakçılar təklif olunan layihələrə münasibət bildirmiş və qərara alınmışdır ki, növbəti görüş 2022-ci ilin oktyabr ayında keçirilsin.