2022-ci il aprelin 29-da Xəzər Universiteti İnkişaf Mərkəzinin təşkilatçılığı ilə “Alumni Talk” adlı silsilə seminarların ilk seriyası keçirilmişdir. Tədbirin qonağı Azərbaycan Respublikasının Sahibkarlığın İnkişafı Fondunun İdarə Heyəti sədrinin müavini Eldar Həmidov idi. Qeyd edək ki, o, Beynəlxalq hüquq sahəsində bakalavr, sonra isə Biznesin idarə edilməsi üzrə magistr təhsilini Xəzər Universitetində almışdır.

Görüş İnkişaf Mərkəzinin rəhbəri Raziyə İsayevanın Eldar Həmidovu təqdim etməsi ilə başladı. Sonra Eldar Həmidov öz uğur hekayəsindən, Xəzər Universitetinin karyerasına olan təsirindən danışdı.O, tələbələrə öz tövsiyələrini verdi.

Görüşün növbəti hissəsində tələbələr suallarını ünvanladılar.

Seminara universitetin tələbə və əməkdaşları daxil olmaqla 100-dən çox iştirakçı qatılmışdı.