2022-ci il aprelin 27-də Xəzər Universitetində İnkişaf Mərkəzi və İqtisadiyyat və menecment fakültəsinin birgə təşkilatçılığı ilə Erasmus+ PİCASP layihəsi çərçivəsində “Turizm sahəsində qadın sahibkarlığı” mövzusunda hibrid seminar keçirilmişdir. Seminarın qonaq spikeri Diverse School Travel şirkətinin təsisçisi və direktoru, eyni zamanda Educational Travel şirkətinin mütəxəssisi Aygün Gardiner oldu.
Tədbir İnkişaf Ofisinin rəhbəri Raziyə İsayevanın giriş sözü ilə başladı. Seminarın əsas mövzusu mədəni irs və təhsil turizmi idi. Aygün Gardiner təqdimatında İngiltərədəki təhsil turizmi təcrübəsindən bəhs etdi, öz sahibkarlıq fəaliyyətindən və bu yolda qarşılaşdığı çətinliklərdən danışdı.
Seminar sual-cavab sessiyası ilə yekunlaşdı.
Seminara universitetin əməkdaşları və İqtisadiyyat menecment fakültəsinin tələbələri qatılmışdılar.