2022-ci il aprelin 27-də Xəzər Universiteti və London Middlesex Universitetinin əməkdaşlığı ilə British Council tərəfindən maliyyələşən “Creative Spark” layihəsi çərçivəsində Enterprise Hub platforması daxilində Təbiət elmləri və mühəndislik fakültəsinin tələbələri üçün növbəti bootcamp təşkil olunub.
Tədbirin ilk hissəsində Climasel startapının təsisçisi Güllü Hüseynli təqdimatla çıxış edərək, öz uğur hekayəsindən bəhs etdi. O, tələbələrə “startap necə qurulmalı, hansı addımlar atılmalı” mövzusunda danışdı.
Görüşün 2-ci hissəsində Xəzər Universiteti İnkişaf Mərkəzinin direktoru Raziyə İsayeva Creative Spark layihəsi çərçivəsində keçirilən silsilə tədbirlərin məqsədi və əhəmiyyətindən bəhs edib. Sonra tələbələr qruplar şəklində öz biznes ideyaları üzərində işləyiblər.
Bootcampın sonunda komandalar öz biznes ideyalarını təqdim ediblər və İnkişaf Departamentinin layihə meneceri Məhin Cəbrayılova onlara öz məsləhətlərini verib.