Xəzər Universitetinin İqtisadiyyat və menecment fakültəsinin tələbələri Tarix və arxeologiya departamentinin müəllimi Kəmalə Mustafayevanın rəhbərliyi ilə 2022-ci il aprelin 25-də “Qobustan dövlət tarixi-bədii qoruğu”nda olublar.

Tələbələrə muzeyin bələdçi əməkdaşları tərəfindən Azərbaycanın mədəniyyət irsi və Qobustan abidəsi haqqında ətraflı məlumatlar verilib. Azərbaycan tarixi fənnində öyrəndikləri mədəni abidə ilə əyani tanışlıq tələbələrin böyük marağına səbəb olub.