2022-ci il aprelin 23-ü və 24-də Bakıdakı Hilton hotelində “CELT Colleges” – Beynəlxalq İngilis dili Tədris Mərkəzi tərəfindən Türkiyə və Avropa universitetlərinin Təhsil sərgisi keçirildi. Təhsil sərgisində Türkiyə və Avropanın 30-a yaxın universitetləri ilə yanaşı, Xəzər Universiteti də iştirak etdi.
Xəzər Universitetinin sərgisi iştirakçılarda böyük maraq doğurmuş, universitet əməkdaşları müraciət edənlərə ətraflı məlumatlar vermiş, onların suallarını cavablandırmışlar. Eyni zamanda, sərgidə iştirak edən bir sıra universitetlərlə qarşılıqlı əlaqələr qurulması yolunda ilk addımlar atılmışdır.
Sərgidə Xəzər Universitetini İctimai əlaqələr və media üzrə direktor Əlövsət Əmirbəyli, Qəbul və tələbə şöbəsinin müdiri Lamiyə Namazova və Beynəlxalq əlaqələr şöbəsinin koordinatoru Arzu Bədəlova təmsil etmişlər.