Xəzər Universitetinin İngilis dili və ədəbiyyatı departamenti nəzdində ingilis dilinin mənimsənilməsi və təkmilləşdirilməsi üzrə dil kursları fəaliyyət göstərir. Dil kurslarının fəalliyyəti yalnız universitetin müəllim və işçi heyətini əhatə etmir. Başqa sözlə, ingilis dilini öyrənmək və bu dildə yazı, dinləmə, danışıq və oxu bacarıqlarını inkişaf etdirmək istəyən hər kəs "Xəzər" dil kurslarına müraciət edə bilər.

2022-ci il aprel ayının 22-də üç aylıq intensiv kurs müddətini uğurla başa vuranlara sertifikat təqdim olundu. Belə ki, kursun qaydalarına əsasən, üç aylıq dərs müddətinin sonunda iştirakşılar dil səviyyəsi üzrə imtahanda iştirak edir və yüksək nəticə göstərənlərə "Xəzər" dil kursları adından sertifikat təqdim olunur.

Növbəti dəfə Xəzər Universitetinin tələbələri Fuad Yaminli, Leyla Səfərli və Vahid Dövlətov “pre-intermediate” səviyyəsi üzrə, məktəbli Nəzrin Pənahova isə “elementary” səviyyəsi üzrə sertifikata layiq görülüblər.