AZƏRBAYCAN RESPUBLİKASININ DÖVLƏT TURİZM AGENTLİYİ
                   AZƏRBAYCAN TURİZM VƏ MENECMENT UNİVERSİTETİ

001R/120           22 aprel 2022-ci il 

Xəzər Universitetinin Direktorlar
və Qəyyumlar Şurasının sədri
cənab Hamlet İsaxanlıya

Hörmətli Hamlet müəllim,

Tanınmış pedaqoq, təhsil təşkilatçısı, maraqlı musiqiçi Nailə xanım İsayevanın xatirəsinə həsr olunmuş nəfis tərtibli “Son görüş olmayaydı...” ATMU-nun kitabxanasında oxucularımızın istifadəsinə veriləcək. İnciçiçəyi kimi sadə, təmiz və gözəl sevginizin bir parçasını mənimlə paylaşdığınız üçün Sizə minnətdarlığımı bildirirəm.

Xatirələrinizi vərəqləyərkən qoşa həyat yolunuzdakı anılarınızı oxumaq xoş oldu-Sizin münasibətiniz musiqi və şeirin birləşərək yaratdığı mahnı kimi ahəngli görünür.

Nə qədər ağır, kövrək xatirələrlə yaşamalı olduğunuzu bilərək, gələcək fəaliyyətlərinizdə ideyalarınızın reallaşması və qələminizin yazması diləyi ilə!

Hörmətlə,
Rektor İlham Mədətov