2022-ci il aprelin 22-də Xəzər Universiteti və Middlesex Universitetinin əməkdaşlığı ilə British Council-ın “Creative Spark” layihəsi çərçivəsində Enterprise Hub platforması daxilində Təbiət elmləri və mühəndisilik fakültəsinin tələbələri üçün bootcamp təşkil olunub.

Bootcamp Xəzər Universitetinin İnkişaf Mərkəzinin direktoru Raziyə İsayevanın mentorluğu ilə keçirildi. O, Creative Spark layihəsi çərçivəsində keçirilən silsilə tədbirlərin məqsədi və əhəmiyyətindən bəhs edib. Sonra tələbələr qruplar şəklində öz biznes ideyaları üzərində işləyiblər. Bu müddət ərzində İnkişaf ofisinin layihə rəhbərləri Səbinə Quluyeva və Məhin Cəbrayılova tədqiqat bacarıqları ilə bağlı tələbələrə kömək göstəriblər. Bootcampın sonunda komandalar öz biznes ideyalarını təqdim ediblər.