“Xəzər Xəbər” jurnalının baş redaktor müavini, əməkdar jurnalist Əlirza Balayev 2022-ci il aprelin 18-də Azərbaycan Yaradıcılıq Fondunda görkəmli rejissor, Xalq artisti Oqtay Mirqasımovla keçirilən görüşdə iştirak etmişdir.

Ölkə ziyalıları və mədəniyyət işçilərinin iştirakı ilə keçən görüşü fondun sədr müavini, əməkdar mədəniyyət işçisi Rafiq Kaşanlı açaraq, Oqtay Mirqasımovun kino yaradıcılığı haqqında geniş məlumat vermişdir. Çıxış edənlər, o cümlədən Ə.Balayev rejissorun sənədli və bədii film sahəsindəki uğurlu işlərindən danışmış, fikirlərini bildirmişlər.

Sonra Oqtay Mirqasımov iştirakçıların suallarını çavablandırıb, Azərbaycan kino sənətinin hazırkı problemlərinə toxunub.