”Yeni təfəkkür” qəzetinin 22 aprel 2022-ci il tarixli nömrəsində “Xəzər Xəbər” jurnalının baş redaktor müavini, əməkdar jurnalist Əlirza Balayevin “Doğma kitabla üz-üzə” adlı məqaləsi dərc olunmuşdur. Məqalə Əməkdar jurnalist İradə Əliyevanın “Bəşir bəy Aşurbəyov” adlı kitabı haqqındadır.
Məqalədə nüfuzlu neft sahibkarı, maarifçi, ictimai siyasi xadim, ötən əsrin 30-cu illərində sovet repressiyasının qurbanı olmuş Bəşir bəy Aşurbəyovun keşməkeşli həyatının müəllif tərəfindən tarixi faktlara istinadla və yüksək peşəkarlıqla qələmə alındığı nəzərə çatdırılır.