2022-ci il aprelin 15-də Karyera İnkişaf Mərkəzi və “AIESEC Azərbaycan” beynəlxalq staj keçmə proqramı tərəfindən xaricdə könüllülük və ödənişli təcrübə proqramları barədə məlumat vermək üçün tələbələrlə görüş keçirildi. “AIESEC Azərbaycan”ın marketinq menecerləri Nuray Əhmədli və Ümid Hüseynli çıxış edərək, təşkilat haqqında, eləcə də yerli və könüllülük proqramları, xaricdə təcrübə proqramları və həmin proqramlara müraciət ilə bağlı tələbələrə məlumat verdilər.

Sonra təşkilatın Local Komitə üzrə Marketinq direktoru Nicat Tahirli sual-cavab sessiyası keçirərək, tələbələri maraqlandıran sualları cavablandırdı. Görüşün sonunda təşkilatın nümayəndələri tələbələrə təşkilata üzv olmaq və təcrübə proqramlarına müraciət üçün kömək etdilər.