Xəzər Universiteti Böyük Britaniyanın Middlesex Universiteti ilə əməkdaşlıq edərək, British Council-ın Creative Spark Ali Təhsil Müəssisə Proqramının dəstəyi ilə gənc sahibkarlar üçün silsilə təlimlər təşkil edir.

2022-ci il aprelin 13-də Creative Spark Enterprise Hub çərçivəsində gənc sahibkarlar üçün nəzərdə tutulmuş növbəti tədbir keçirildi. Tədbirdə WTEAM-ın təsisçisi, icraçı direktoru Gülnar Absalamova və həmtəsisçisi Tural Zəkəryazadə startap və innovasiya ilə bağlı təcrübələrini bölüşdülər, gənc sahibkarları bu sahədə daha da həvəsləndirdilər. Layihələrinin məqsədi haqqında onlara məlumat verdilər. Tədbirin son hissəsində gənc sahibkarların sualları cavablandırıldı və müzakirələr aparıldı.