Kitab usta pedaqoq, mahir təhsil təşkilatçısı, istedadlı musiqiçi Nailə xanım İsayevanın müasirlərinə məlum olan parlaq surətini, əvəzsiz xidmətlərini gələcək nəsillərə ötürmək, onun əziz xatirəsini əbədiləşdirmək üçün Xəzər Universiteti Direktorlar və Qəyyumlar Şurasının müəyyənləşdirdiyi tədbirlər silsiləsinə uyğun hazırlanaraq, Xəzər Universiteti Nəşriyyatında çap edilmişdir. Bu barədəki qərar da kitabçanın ilk səhifələrində verilmişdir.
Bələdçi kitabçada göstərilir ki, muzeyin eksponatları Nailə xanım İsayevanın həyat və fəaliyyətini əks etdirən müxtəlif yazılı sənədlər, xatirə əşyaları, libaslar, müxtəlif səpkili incəsənət əsərləri, fotoşəkillər, şəxsi, pedaqoji və musiqi fəaliyyəti ilə bağlı yazı və kitablar, Nailə xanımın mahnılarını səsləndirən guşə və fortepiano-royal kimi maddi və mənəvi qaynaqlardan təşkil olunmuşdur.
Kitabçada muzeyin bölmələri haqqında məlumat verilir, Azərbaycanın və xarici olkələrin tanınmış təhsil, elm və sənət adamlarının Nailə xanım İsayeva haqqında fikirləri nəzərə çatdırılır, muzey eksponatlarının fotoları yer almışdır.
Bələdçi kitabçanın daha təkmil yeni nəşrinin hazırlanması nəzərdə tutulur.