Cavanşir Quliyev və Sərdar Fərəcovun “Nailə xanım İsayevanın əziz xatirəsinə ithaf” adlı musiqi kitabı Xəzər Universitetinin Nəşriyyatında çapdan çıxıb. Kitab Cavanşir Quliyevin “Nailə” və Sərdar Fərəcovun “Elegiya” adlı əsərlərinin partiturasından ibarətdir.
Kitab usta pedaqoq, mahir təhsil təşkilatçısı, istedadlı musiqiçi Nailə xanım İsayevanın müasirlərinə məlum olan parlaq surətini, əvəzsiz xidmətlərini gələcək nəsillərə ötürmək, onun əziz xatirəsini əbədiləşdirmək üçün Xəzər Universiteti Direktorlar və Qəyyumlar Şurasının müəyyənləşdirdiyi tədbirlər silsiləsinə uyğun hazırlanıb, çap edilmişdir. Bu barədəki qərar da kitabın ilk səhifələrində verilmişdir. Kitabın əvvəlində Nailə xanım İsayevanın qısa həyat tarixçəsi də yer aimışdır.