2022-ci il aprelin 6-da Xəzər Universiteti İnkişaf Mərkəzinin əməkdaşları ilə universitetin tələbələri arasında məlumatlandırıcı görüş keçirilib. Görüşdə tələbələrə Britaniya Konsulluğu tərəfindən maliyyələşən və Xəzər Universitetinin Middlesex Universiteti ilə birgə tərəfdaşı olduğu “Creative Spark” müəssisə layihəsi haqqında məlumat verilib.

İnkişaf Mərkəzinin direktoru Raziyə İsayeva tələbələrə proqram çərçivəsində təşkil olunan müsabiqələrin şərtlərini izah edib. Sonra “Creative Spark” proqramının 2021-ci il üzrə ölkə çempionu olmuş Humanitar, təhsil və sosial elmlər fakültəsinin Kimya və biologiya ixtisasının sonuncu kurs tələbəsi Təravət Əsgərzadə öz layihəsi haqqında danışıb. Görüşün sonunda tələbələr öz ideyaları ilə bağlı rəyləri dinləyiblər.