2022-ci il martın 31-də Xəzər Universiteti Psixologiya departamentinin müəllimi, tədqiqatçı Ülkər İsayevanın “Psixologiya, neyroelm və maşınla öyrənmə: əsasları və ehtimallar” (“Psychology, Neuroscience and machine learning: Fundamentals and Possibilities”) adlı seminarı təşkil edildi. Ü.İsayeva hazırda İtaliyanın Cagliari Universitetində tədqiqat işini davam etdirir.

Seminarda psixologiya elminin araşdırma perspektivlərindən, son illərdə daha da sürətlə inkişaf etməyə başlayan neyroelm sahəsinin tədqiqat istiqamətlərindən, xüsusən gələcəkdə insanlardan əldə edilən bir çox məlumatlar bazasının xəstəliklərlə bağlı proqnozlaşdırmalara da müsbət təsir edəcəyindən bəhs edildi. Suni intellekt əsrində bütün bu məlumatların rəqəmsal maşınlar vasitəsilə daha qısa müddətdə və daha dəqiq şəkildə olacağı və tibbin müxtəlif sahələrinin daha da praktik hala keçməsi ilə əlaqədar fikir mübadiləsi aparıldı.

Tədqiqatçı psixoloq Ülkər İsayeva iştirakçılar tərəfindən verilən sualları ətraflı cavablandırdı. Seminar tələbə və müəllim heyətinin böyük marağına səbəb oldu.