2022-ci il martın 29-da Xəzər Universitetinin tərəfdaş universitet olduğu və Ud'A Universiteti (Università degli Studi G. d'Annunzio di Chieti-Pescara) tərəfindən koordinə edilən “Xəzər regionunun inkişafını dəstəkləmək məqsədilə universitet-sənaye əməkdaşlığını həyata keçirən Təcrübə Müəssisələri pilot kursları”- PICASP (617540-EPP-1-2020-1-IT-EPPKA2-CBHE-JP) adlı layihə üzrə virtual görüş keçirildi.
Layihə tərəfdaşları layihə çərçivəsində görülən işlər və nəzərdə tutulan tədbirlər haqqında məlumat verdilər. Hər bir tərəfdaş vəziyyəti qısa bir təqdimat vasitəsilə nəzərə çatdırdı. Yekun müzakirə ikinci ildə planlaşdırılan fəaliyyətlərin necə davam etdiriləcəyinə qərar verməklə əlaqədar idi. Növbəti görüşün mümkün qədər tez bir zamanda, hamı üçün uyğun bir vaxtda keçirilməsi də müzakirə olundu.
Tədbirdə Xəzər Universiteti və Azərbaycan Turizm və Menecment Universitetinin inkişaf ofislərinin əməkdaşları, “Miras” İctimai Birliyinin üzvləri, layihənin tərəfdaş ölkələri - İtaliya, Polşa, Litva, Rusiya və Qazaxıstandan olan nümayəndələr iştirak ediblər.