Xəzər Universiteti Təhsil departamentinin magistr tələbəsi Röyal Mahmudov Cənubi Qafqazın Amerika Tədqiqat İnstitutu (American Research İnstitute of the South Caucasus (ARİSC) tərəfindən elan olunmuş tədqiqat qrantını qazanıb. Röyal 6 ay davam edəcək və ARİSC tərəfindən maliyələşdiriləcək araşdırmasında Azərbaycanda universitet tələbələrinin qarşılaşdıqları problemləri öyrənməyə çalışacaq. Elmi rəhbərliyini Təhsil departamentinin koordinatoru Cavid Cəfərovun edəcəyi layihənin nəticələri isə həm ARİSC-in internet səhifəsində yerləşdiriləcək, həm də beynəlxalq jurnalda dərc olunacaq.

Röyal Mahmudov 2022-ci il üçün Azərbaycandən bu layihəni qazanan yeganə tələbədir. Ümumilikdə, indiyədək Azərbaycandan bu kateqoriyada ARİSC tərəfindən elan olunmuş tədqiqat qrantını ancaq 2 nəfər qazanıb.