2022-ci il martın 11-də Xəzər Universitetinin müəllimi və doktorantı Nilufər Əlizadə Amerika Koqnitiv Davranış Terapiyası Assosiasiyasının təşkil etdiyi, “Sokratik sorğulama” kitabının müəllimi olan Dr. Scott Valtman tərəfindən keçirilən “Sokratik dialoq və sorğulama: praktiki strategiyalar, mümkün problemlərin öhdəsindən gəlinməsi” adlı təlimdə iştirak edərək, sertifikat almışdır. Qeyd edək ki, təlim və sertifikat Amerika Psixoloqlar Asossasiyasının “Psixoloqların davamlı təhsili” proqramı tərəfindən dəstəklənir və tanınır.

Təlimdə psixoterapiya zamanı problemlərin ələ alınması, terapiyanın müxtəlif sual texnikaları vasitəsilə yönləndirilməsi və xüsusilə də psixoloqun məsləhət vermədən lazımi məqamları müştəriyə çatdırması halları müzakirə olunaraq, praktiki nümunələrlə nümayiş etdirilmişdir.