2022-ci il martın 16-da AMEA Milli Azərbaycan Tarixi Muzeyinin Arxeologiya elmi fond şöbəsinin böyük elmi işçisi, Azərbaycan Dövlət Pedaqoji Universitetinin Ümumi Tarix və tarixin tədrisi texnologiyası kafedrasının müəllimi, Dr. Laçın Mustafayev və Almaniyanın Vürzburq Universitetinin Qədim Yaxın Şərq Arxeologiyası departamentinin əməkdaşı Dr. Martin Gruber Xəzər Universitetinin Tarix və arxeologiya departamentinin əməkdaşları - dosent Roza Arazova və  Dr.Söhrab Mustafayevlə görüşüb, Azərbaycanda arxeologiya elminin inkişafı, tədrisi və arxeoloji tədqiqatların aparılmasında müasir metodların tətbiqinə dair fikir mübadiləsi aparmışlar.

Qeyd edək ki, Dr. Martin Gruber bu ilin fevral-mart ayları ərzində Milli Azərbaycan Tarixi Muzeyinin Arxeologiya fondunda qorunan Son Tunc-Erkən Dəmir dövrünün Xocalı-Gədəbəy mədəniyyətinə aid arxeoloji kolleksiyası ilə bağlı Gerda Henkel Stiftung fondu tərəfindən maliyyələşdirilən layihə çərçivəsində tədqiqatlar aparır.