Ciao tutti! ( Hər kəsə salam!) 

Mən Fariz Pirmatov Təbiət elmləri və mühəndislik fakültəsinin 4-cü kurs Komputer elmləri ixtisası tələbəsiyəm. Hazırda İtaliyada Erasmus+ mübadilə semestrini keçirirəm.

Bu bloqda Erasmus mübadilə təcrübəmi sizinlə bölüşmək istəyirəm. QS Universitet reytinqində dünyanın texniki universitetləri arasında 39-cu yerdə olan, mühəndislik və memarlıq üzrə Avropanın ən yaxşı dövlət universitetlərindən biri Politecnico di Torino - da təhsil almaq şansım oldu.

Turin İtaliyanın şimal-qərbində yerləşir və ölkənin ilk paytaxtı olub. Çoxsaylı parkları və hər iki tərəfi ağaclarla örtülmüş prospektləri sayəsində Avropanın ekoloji cəhətdən ən təmiz şəhərlərindən biri hesab olunur. Şəhərin memarlığı məni heyrətə gətiri r- hər yerdə köhnə üslublu kilsələr və evlər. Turində ziyarət edilməli çoxlu mədəniyyət nümunələri var. Onların arasında Mole Antonelliana, Basilica di Superga, Misir Muzeyi mənim sevimlilərimdir.

Erasmus proqramı yeni təcrübələr qazanmaq üçün əla fürsətdir. Xüsusilə Erasmus tələbələri üçün mədəni fəaliyyətlər və qonaqlıqlar kimi tədbirlər təşkil edən qruplar tapmaq mümkündür. Dərslər başlamazdan əvvəl beynəlxalq tələbələr onlarla eyni vəziyyətdə olan tələbələrlə tanış olmaq üçün əla bir üsul olan oriyentasiya həftəsi keçirdilər. Hər həftə olduqca əyləncəli ESN tədbirləri var idi, xüsusilə Der Keller-də dil mübadiləsi. Mən futbolun həqiqətən böyük azarkeşiyəm və sevimli komandalarımdan biri də Yuventusdur- Ronaldonun bir neçə il oynadığı klub. Turində olduğum müddətdə digər Erasmus tələbələri ilə tanış oldum və Juventus stationunda bir oyuna baxmaq şansımız oldu. Bu, heyrətamiz bir təcrübə idi.

Mənim üçün yaşayış yeri tapmaq çox çətin oldu və əgər siz Turində təhsil almağı planlaşdırırsınızsa, özünüzə 1-2 ay öncədən yaşayış yeri axtarmağınız yaxşı olar. Turin İtaliyanın Milan və Roma kimi digər şəhərləri ilə müqayisədə o qədər də baha deyil. Qiymətlər münasibdir. Əgər evdə yemək bişirməyi sevmirsinizsə, Politecnico-nun yaxınlığında yaxşı yeməkxana var və siz onların tələbələr üçün təklif etdiyi yeməklərdən həzz ala bilərsiniz.

Sonda, tanımadığınız bir yerdə, komfort zonanızdan uzaqda olduğunuzda, gözlənilməz vəziyyətlərdən necə çıxmağı öyrənməkdən başqa çarəniz yoxdur. Belə vəziyyətdə, qarşılaşa biləcəyiniz hər hansı problemlə üzləşmək və həll etmək qabiliyyətinizin olduğuna inanmalısınız. Məncə bu proqramın qazandırdığı əsas keyfiyyət budur.

Görüşənədək!

Fariz Pirmətov
 Xəzər Universitetinin tələbəsi