2022-ci il martın 14-də Kedge Biznes Məktəbinin Beynəlxalq əlaqələr üzrə mütəxəssisi Myriem Ziani ilə görüş keçirildi.

Görüşdə Xəzər Universitetinin rektoru İradə Xəlilova, Tədris işləri üzrə prorektor Məhəmməd Nuriyev, Keyfiyyətin Təminatı Mərkəzinin direktoru Lyudmila Sotova, İqtisadiyyat və biznes yüksək təhsil fakültəsinin dekanı İnqilab Əhmədov, İqtisadiyyat və menecment fakültəsinin dekanı Ceyhun Məmmədov və Beynəlxalq əlaqələr ofisinin koordinatoru Fatimə Vəliyeva iştirak etdilər. Görüşdə iki təhsil müəssisəsi arasında tərəfdaşlıq əlaqələrinin və akademik əməkdaşlığın qurulması istiqamətində müzakirələr aparıldı.

Qeyd edək ki, Kedge Biznes məktəbi Bordo, Marsel, Tulon, Paris, Şanxay və Suzhou şəhərlərində kampusları olan Fransız biznes məktəbidir. 2013-cü ildə təsis edilmiş, iki fransız biznes məktəbinin (BEM və Euromed) birləşməsi nəticəsində yaradılmışdır.